西澳州珀斯3大必玩篇Travel佳_C吃生活_申博官网备用网址

西澳州珀斯3大必玩篇Travel佳

(Presented by Western Australia JP)
之前两篇都集中喺北边嘅大自然风景，今次到底去边呢？我Travel佳决定带大家「入城」，睇下西澳州首府珀斯（Perth）有乜咁正。Perth好玩精选其实点止3大吖？3大係我嘅重点推介，其他留返大家自己发掘啦。

推介1 伊利沙伯码头

西澳州珀斯3大必玩篇Travel佳

Elizabeth Quay面对住贯穿起成个城市嘅Swan River，喺今年1月尾正式开放，好新㗎，以前去过Perth嘅朋友都值得再去睇睇。有澳洲朋友share咗摄影师Chris Kieran影嘅相俾我睇真啲，係几正喎。Open day嗰日热闹唔在讲，环境好舒服，地标Spanda个Look又够抢眼，好有代表性。

线条优雅嘅Spanda係码头地标，亦可以话係Perth嘅旅游新标誌。

Open day当日点少得仪仗队表演，好型好pro。

西澳州珀斯3大必玩篇Travel佳

其他艺术表演一样咁吸引。

码头附近有好多特色餐厅，最大卖点係啲露天喷水池，你知澳洲热嗰阵有几热㗎啦…… 所以喺Quay玩水散步、食下嘢，已经係好正嘅活动。码头附近陆续会有好多新酒店登陆，COMO The Treasury、Ritz-Carlton Hotel、Crown Towers、Westin Hotel呢几个大Brand都有份，你就知道Perth嘅旅游配套会愈嚟愈完善啦。

喷水池喺西澳州人最锺意嘅娱乐设施之一。

Elizabeth Quay知多啲：goo.gl/EX5s4O

推介2 罗特尼斯岛

西澳州珀斯3大必玩篇Travel佳

Rottnest Island点解会入选我Travel佳重点推介？因为又近，风景又超靓。佢嘅定位就好似香港嘅长洲，不过面积有8倍，想探岛可以喺Perth或者费里曼图（Fremantle）搭短程渡轮。呢个岛空气特别好，因为除咗固定班次嘅环岛巴士就无其他车喇。好多游客都会租单车四围踩，自由自在又当做下运动。另外，有位「原居民」一定要介绍返，佢叫做短尾矮袋鼠（Quokka），係之前网上红极一时嘅Selfie指定红人，去开嘅朋友记得野生捕获佢。

你睇佢可爱到呢，靓女都俾佢萌倒。

睇嚟佢都好乐意同游客合照。(photo by Tommy Tang)

推介3 费里曼图 + 罗金厄姆

西澳州珀斯3大必玩篇Travel佳

Fremantle同Rockingham係两个小镇，我觉得不妨一齐介绍．因为揸车嚟计，其实半个钟多啲，就好似大埔同元朗咁上下距离。Fremantle係个有历史嘅海港小镇，啲街巷都保存咗唔少19世纪味道，係嗰度食下海鲜，欣赏下街头艺人表演，好有Feel㗎。Rockingham都係港口小镇，几适合去行下沙滩、海边公园，而佢最出名係坐船出海睇海豚，或者上企鹅岛探企鹅，好近㗎，仲可以同海豚一齐游水混添。

有图有真相，真係同海豚一齐游水。

Gino’s係Fremantle现存最耐历史嘅Café，装修好有Mood。

Fremantle食海鲜都好出名，一运上岸即刻食，没有最新鲜，只有更新鲜！

去Rockingham出海睇海豚又得，上企鹅岛搵佢哋都得，得咗。

后记

我Travel佳嘅西澳州分享，终于嚟到尾声，无论大自然风光好，城市游历都好，喺呢个州都好丰富，就算你係边种旅游人，一定搵到自己嘅心水。希望大家喺我嘅介绍入面get到有用资讯。最后长气啲，sell返之前两篇文俾大家重温，再加埋西澳州团嘅资料参考参考。

延伸阅读：卡尔巴里国家公园篇