观塘试新 放题火锅店 ＠Dining娜

(Presented by Hey囍)

每次约一大班朋友聚会食饭，火锅放题都会係一大首选，贪佢抵食之余，气氛特别好，之前有同事介绍观塘新开Hey囍 放题火锅店 ，话质素相当唔错，趁住有朋友生日，我Dining 娜即刻去踩场试下！

去到舖头门口，见到唔少人等位，都几受欢迎，一入舖就见到地方好宽敞，配料区好似酒店自助餐咁多嘢拣，目测有几十款，蔬菜、丸类、雪糕等等，样样齐，加分！

坐低望下餐牌，晚餐90分钟放题任食由$128起，任食美国牛肉、美国黑豚肉，汤底有龙虾汤底、番茄汤底、木鱼汤底、香浓鸡汤，韩国泡菜汤底，同事话最好味係黄金椰子汤底， 加＄40仲可以任食椰青汤底黄金鸡，梗係要试吓！

鸡锅连沙漏一齐上，盖住煲盖等水滚时已经闻到阵阵椰香，原来汤底有椰青水加印度椰子肉，望住漏斗啲沙话咁快就落晒，即刻急不及待打开盖试下，鸡肉入口非常香、滑，问过店长，话佢哋嘅鸡係用椰丝、粟米做饲料，所以特别香，店内特酱汁：新鲜沙姜＋小桔仔，係黄金鸡嘅绝配！

放题包指定肉类无限添加，如果对牛肉有要求，仲有特级美国牛肉、美国牛小排、澳洲严选和牛，极上特选和牛。如果锺意食海鲜嘅，可以另外柯打每碟$68韩国石蚝，每碟$36海虾，成班朋友话讚，好抵好新鲜！

我哋够人多，所以另外仲试咗个好好玩嘅云上寿喜烧，一放上枱见到个锅中间有一大嚿云，卖相好得意，个个都忍唔住拎部手机出嚟影影影，其实呢大嚿云係棉花糖，等「相机食完」，店员就喺棉花糖上淋上甜酱汤底，望住个棉花糖一路一路咁溶化，朋友忍唔住哗哗声，真係睇住都过瘾！

食埋寿喜烧已经9成饱，Dining 娜决定要食甜品，係多款中西甜品糕点之中，我决定要自家鲜製软雪糕，又香又滑，为今餐画上完美句号！

Dining娜觉得此 放题火锅店好有诚意，最抵讚嘅係椰香汤底，试过知好味，云上寿喜烧就好好玩，其他配料选择多，观塘友有多个聚会好选择。埋单时，店长仲话佢地做紧新开优惠，90分钟放题「椰子鸡‧美国黑豚肉」，原价 $168 ，而家只係 5折 $84，好抵食！另外椰子鸡．美国牛肉．美国黑豚肉．特选牛脷，原价$256，一样有5折优惠价$128，推广优惠至到9月11日咋，有兴趣嘅朋友快手去试吓！

Hey 囍

地址：观塘伟业街223号宏利金融中心1楼13号舖

电话：2827 2688