主页 > L汇生活 >观塘的美式风情Dining娜 >

观塘的美式风情Dining娜

(Presented by MOREISH & MALT)

观塘已经唔再係工厂区咁简单,作为一个吃货,好清楚佢有几咁卧虎藏龙,无论地舖定工厦上楼舖都大把好餐厅,想试匀晒要啲时间㗎。早排又俾我喺鸿图道近骏业街嗰边,发现咗一间American style嘅好嘢,叫MOREISH & MALT,仲入围咗「全港必吃食店」选举。

呢间喺正十字路口位嘅美式小店,真係做到佳餚配美酒,wine list选择够多之余,cocktail亦做得好有心机,嘢食更加唔使讲,沙律、主菜、甜品样样精通,味道掂之余仲好有美国菜嗰种豪迈奔放。佢装修都落足本㗎,入到里面你会唔记得自己喺观塘工厂区,好似去咗美国一个悠闲小镇咁,好舒服,等我Dining娜介绍必食推介啦!

观塘的美式风情Dining娜
香辣吞拿鱼藜麦沙律 $108

吞拿鱼烧得啱啱好,个心仲係粉红色,沙律嘅dressing係香醋汁,好清新,加埋炸藜麦够饱肚,细食嘅OL(我例外)自己食一份当lunch都得。

 

观塘的美式风情Dining娜
MOREISH牛肉汉堡 $118(左)、小食拼盘 $128(右),有水牛城鸡翼、芝士烧汁薯条同芝士鸡肉薄饼,仲有健康蔬菜。

小食一样咁出色,我最锺意MOREISH牛肉汉堡,块汉堡排係自家製,调好味、成形之后再入雪柜,咁就可以将肉汁锁住,食落肉味特别突出。呢款拼盘係我另一最爱,可以一次过试到几款食品加唔同sauce,啱晒贪心嘅我。

 

观塘的美式风情Dining娜
美国肉眼排 $248/10oz

牛排同红酒当然係绝配,一件medium靓rib-eye,开支意大利、法国或者澳洲嘅红酒,咁先係生活态度。

 

观塘的美式风情Dining娜
烤猪肋骨条 $178

份量十足嘅肉排用slow cook方式烹调,面头crispy、内里juicy,味道浓得嚟甜甜哋,好开胃惹味。

 

观塘的美式风情Dining娜
暖碎朱古力曲奇配云尼拿雪糕 $60

呢个曲奇係几传统嘅美国嘢,唔似得一般甜品咁少女,卖相随意豪迈得嚟不失精緻,食落仲特别chewy!加上佢係即叫即整,出炉曲奇配冰冻雪糕球,一冷一热,口感好缠绵呀。

 

观塘的美式风情Dining娜

观塘的美式风情Dining娜

餐厅环境真心抵讚,好relax好舒服,绝对係悠闲食餐饭、饮番几杯嘅好地方。而且姐妹们留意,Bar Manager兼老闆之一嘅Eric,唔止整cocktail拿手,仲係靓仔一枚。

 

特别优惠

观塘的美式风情Dining娜

另外提提大家,餐厅有个special offer,下昼3点至8点期间(限时2个钟),每位只要$78,就歎到嗰日/嗰期嘅指定啤酒1款,而且係无限添饮,係无限添饮!无限添饮喎(因为很重要所以讲3次)!再加指定零食无限量供应,呢个offer无得顶,啱晒happy hour!

观塘的美式风情Dining娜
餐厅另一卖点就係不时转款嘅手工啤酒,款款都想试呀?咁就要去多几次喇。

地址:观塘鸿图道48号新荣大厦地下B舖

电话:3580 7133

营业时间:星期日至三11:30am至10:30pm、星期四至六11:30am至12mn

(週末提供 Brunch至5pm,Happy Hour为每天12nn至8pm)

Facebook

即刻投佢一票啦!

观塘的美式风情Dining娜


上一篇: 下一篇: