主页 > V卫生活 >观塘工厦 享中环滋味 >

观塘工厦 享中环滋味

(Presented by Kowloon East Kitchen)

Photo:二彤

近年 观塘工厦 区新食店愈开愈多,但质素比较参差,想食有质素嘅西餐都唔容易,更加唔好讲意大利菜。直至三年前,意菜餐厅Kowloon East Kitchen进驻观塘,东九龙人先可以喺区内食到中环嘅高质滋味。来自中环着名餐厅嘅总厨,对烹调、食材选择同配搭都好执着,单係pasta佢哋就坚持每日新鲜自家製,因为咁先可以亲手调校至理想状态,一食就食到与别不同。

坚持自家製Pasta 调校理想韧度、阔度

Kowloon East Kitchen嘅homemade pasta如阔条麵同意粉每日新鲜即製,总厨咁坚持,因为麵粉亲自试过先入货,麵条嘅韧度、长度、阔度亦亲身试过无数次之后,调校至最理想嘅口感同状态。呢度嘅麵条偏韧,有弹性、有嚼劲之余,烹调后亦能充分吸收厨师精心炮製嘅酱汁,令味道更丰富。而招牌辣番茄海鲜阔麵嘅酱汁,就集合咗海鲜、鲜番茄、洋葱等精华,味道鲜甜浓郁。

观塘工厦 享中环滋味
辣番茄海鲜阔麵 $98 将鲜墨鱼、虾、蚬肉以鲜番茄酱烹调,再拌入自家製阔条麵炒香,鲜香嘅茄酱渗透至麵条中,滋味满分。
观塘工厦 享中环滋味
珍珠带子焗酿野菌 $88 厨师用细细嘅珍珠带子,贪佢易入口,仲有菠菜、忌廉、芝士,一齐炒香后放喺大啡菇上,然后烤焗,再洒上意大利黑醋,口感丰富,酸酸地亦有助平衡油腻感。
观塘工厦 享中环滋味
红菜头羊奶芝士沙律 $68 自家腌製嘅红菜头味道较酸,但加上Feta Cheese、烤合桃、蔬菜一齐食,口感即刻变得丰富。

尽显 意菜 认真细緻功架

呢度由前菜、主菜、配菜,到甜品、饮品,都令人食得出佢哋嘅诚意同中环高质 意菜 滋味,例如黑松露香蒜薯条,简直係不惜成本嘅诚意之作,师傅用上大量黑松露,再加生蒜、番荽煮成酱,每根薯条都沾满黑松露酱,已经非常浓郁入味;最令人意想不到係,师傅仲配搭一个由烧蒜、蛋黄酱製成嘅酱汁,将惹味推向顶点,製作一丝不苟!

观塘工厦 享中环滋味
加拿大穀饲有骨猪扒配烤杂菜 $188、黑松露香蒜薯条 $48 选用有证书嘅加拿大穀饲猪扒,质素有保证,推介烹调至七成熟食用;师傅用咗特别嘅保湿技术,煎焗后肉质仍然软腍、保存肉汁;配混入芫荽嘅柚子汁一齐食,清新鲜香。

Kowloon East Kitchen嘅甜品,大家亦唔可以错过,除咗我同班闺密,连男士都话要留肚品尝!豆腐芝士饼配芝麻酱就係中西fusion嘅创作,概念源自中式芝麻糊拼豆腐花嘅「黑白糖水」,当味道较淡嘅豆腐芝士饼,遇上浓如芝麻糊嘅芝麻酱,两种极夹嘅甜味令人有意外惊喜!

观塘工厦 享中环滋味
豆腐芝士饼配芝麻酱、秘製糖酥腰果 $65 以滑豆腐同Mascarpone Cheese製成,香滑而且豆味重,配上浓郁嘅芝麻酱,一浓一淡两种甜味非常夹。
观塘工厦 享中环滋味
左起:Homemade Tiramisu $65、海盐忌廉卷 午市套餐加 $12(限量供应) Tiramisu用Mascarpone Cheese、冧酒、忌廉等製成,师傅刻意弃用甜品杯,而可以直接一啖食到沾满咖啡嘅手指饼同忌廉,咖啡香和甜味同时充斥舌尖。海盐忌廉卷的蛋糕已加入少许海盐,完成后上面再洒以海盐与朱古力酱,鹹加甜嘅感觉好特别!

透心凉鲜果特饮、中秋新作

炎炎夏日,推介大家点透心凉嘅smoothie、果汁、梳打,一呷暑气全消,而且佢哋全部用鲜果製成,so refreshing!佢哋嘅特饮会按时令转款,例如夏天会多用亚热带水果,好似菠萝、椰子等,不同季节可以饮到不同味道。

中秋好快到,大厨透露将会有新搞作,鹹、甜食品会大玩中秋水果食材,除咗柚子,仲有杨桃,非常创新,期待!

观塘工厦 享中环滋味
左起:菠萝薄荷梳打 $28/杯、$70/瓶;Tropical Dream Smoothie $42 梳打加入鲜菠萝汁同薄荷叶製成,酸酸甜甜,非常消暑;Smoothie以鲜芒果、木瓜、乳酪等炮製,清新香甜。
观塘工厦 享中环滋味
环境舒适开扬,设有梳化、高身bar枱,包场开Party唔错。

Kowloon East Kitchen

地址:观塘骏业街66号巧运工业大厦5楼C室

电话:3468 5383

备注:设加一(星期一至五午市除外),收现金及信用卡。


上一篇: 下一篇: